Выйшла адгартацыя «Amoris Laetitia» па-беларуску

Пры падтрымцы Ордэну Меншых Братоў Капуцынаў выйшла паслясінадальная апостальская адгартацыя Святога Айца Францішка «Радасць любові» ў перакладзе на беларускую мову.

Дакумент змяшчае вынікі працы апошніх двух Сінодаў на тэму сям’і, дадаючы іншыя разважанні ў гэтай сферы, якія будуць вызначаць напрамкі пастырскай дзейнасці, а таксама натхняць, стымуляваць і падтрымліваць сем’і ў іх ахвярнасці і перадоленні цяжкасцяў.

Пераклад адгартацыі на беларускую мову здзейснены Секцыяй па перакладзе літургічных тэкстаў і афіцыйных дакументаў Касцёла Камісіі Божага Культу і Дысцыпліны Сакрамэнтаў пры Канферэнцыі Каталіцкіх Біскупаў у Беларусі.

Адгартацыя выйшла ў выдавецтве «Pro Christo» пры падтрымцы Ордэну Меншых Братоў Капуцынаў у Беларусі.

Замову на атрыманне кніг можна, між іншым, скласці праз e-mail:   minsk.cap@gmail.com

З выкарыстаннем матэр’ялаў інтэрнет-партала  catholic.by