Арцыбіскуп Тадэвуш Кандрусевіч наведаў супольнасць капуцынаў у Мінску

4 студзеня, у першы дзень пасля сваёй адстаўкі, арцыбіскуп Тадэвуш Кандрусевіч наведаў супольнасць меншых братоў капуцынаў і даручаную ім парафію святога Францішка ў сталічным мікрараёне Новая Баравая.

Падчас візіту арцыпастыр сустрэўся з братамі капуцынамі, выказаў шчырую ўдзячнасць за іх харызму і актыўную працу ў Мінска-Магілёўскай архідыяцэзіі і Касцёле на Беларусі.

Арцыбіскуп благаславіў памяшканні новаўзведзенага манаскага дома капуцынаў.

На вячэрняй святой Імшы, цэлебрацыю якой ён узначаліў, парафіяльная супольнасць малілася з нагоды юбілею 75-годдзя іерарха, дзякуючы Богу за дзясяткі гадоў ягонай руплівай святарскай і біскупскай працы.

Паводле інтэрнет-партала catholic.by